Unterwegs für’s Bruuchtum und d’Schwiizer Traditione
12.-14. September 2025
Eusi drüü traditionsriche Täg werded sich wiefolgt zämesetze:
Büetzerfriitig - Friitig, 12. Septämber, 18.00 bis 23.00Uhr
Vo de Büetz diräkt an Büetzerfriitig! Handwärchlichi Brüef händ ned z’letscht ufgrund vo Nachwuchsproblem und fehlender Dankbarkeit starch mitem aktuelle Fachchräftemangel z’kämpfe. Um dene Gwerb emol ordeli «Danke» z’säge, findet am Fritig euse «Büetzerfriitig» statt. Glichzitig biete mer de Firmene e Plattform um für die wichtig Brooosche z’werbe und Kontäkt z’chnüpfe. Natürlich staht au für alli «nöd Büetzer» d’Töre offe.
Alpechilbi - Samschtig, 13. Septämber, 18.00 bis 02.00Uhr
D Schwiiz fiire mit de Bünzlikrachers! Wo d’Stubete no i de Chinderschueh gsi isch, hed bereits d’Alpechilbi im Aaschluss a die traditionelli Stubete stattgfunde. Und zwar mit eusere Huusband, de Bünzlikrachers! Neu findet de Aalass am Vorabig, nämli am Samschtigobig bi eus im Zält statt und richtet sich gezielt a Fäschtnudle und Partybartlis. Starte düemer traditionell mitem Jodlerklub Horn us Gäbischtorf und em Trio Stärneföxler. Beschti Underhaltig und Abwechslig vo live Musig und Diitscheis garantiert!
Buure z’Morge - Sunntig, 14. Septämber, 09.00 bis 13.00Uhr
Mit de ganze Familie währschaftlich in Tag starte! Die wichtigscht Mahlzyt am Tag isch doch s’Zmorge. Oder? Drum started mer am Sunntig mit emene deftige Brönsch in Tag. Egal ob mit de ganze Familie, als Kater z’Morge oder zum gäbig Bödele zum die traditionelli Stubete i volle Züüg chönne z'gnüsse.
Stubete - Sunntig, 14. Septämber, 11.00 bis 21.00Uhr
Fiir mit eus Bruuchtum und Traditione! De Sunntig goht wiiter mit eusere traditionelle Stubete, unschlagbarer Livemusig und vilne Juutzer und Lacher! Am Vormittag wird de Alass natürli fiirlech eröffnet und abem drü started mer mit eusem Schtarquartett in Namittag. Uf de Brätter vo de Wält, live für dich vo eus: Marc Tschanz, Adi Zurkirchen, Simon Schnydrig und Tinu Vogel.
Im Wächsel dezue leged sälbschtvertürlich eusi Huus Diitscheis DJ Sigg und DJ Yves d’Platte uuf.
Natürli stoht eusi Stubete-Bühni au für spontani Uftritt zur Verfüegig!
Fürs liiblichä Wohl wird sälbschtverständlich au gsorgt!
%20(10%20x%203%20cm).jpg/picture-200?_=1976056cdd8)